TDSHUda “Ustozlar izidan: xotiralar mangu, hayot bardavom” nomli ilmiy-ma’rifiy anjuman bo‘lib o‘tdi
2026-yil 2-may kuni Toshkent davlat sharqshunoslik universitetida TDSHU Eronshunoslik va afg‘onshunoslik oliy maktabi professori Xolida Zikrillayevna Alimova tavalludining 60 yilligiga bag‘ishlangan “Ustozlar izidan: xotiralar mangu, hayot bardavom” nomli ilmiy-ma’rifiy anjuman bo‘lib o‘tdi.
Mazkur tadbirda universitet rahbariyati, professor-o‘qituvchilar, ilmiy jamoatchilik vakillari, shogirdlar hamda hamkasblar ishtirok etdi.
Anjumanni Eronshunoslik va afg‘onshunoslik oliy maktabi boshlig‘i, PhD, dotsent Nodir Nuriddinov olib bordi. Tadbir avvalida Xolida Alimovaning mamlakat sharqshunosligi, xususan eronshunoslik va afg‘onshunoslik sohasidagi ilmiy-pedagogik faoliyati, fidokorona mehnati hamda yosh avlod tarbiyasidagi xizmatlarini alohida e’tirof etdi.
Shuningdek, anjuman davomida olimaning hayoti va ilmiy-pedagogik faoliyatiga bag‘ishlangan videorolik namoyish etildi.
Anjuman davomida Xolida Alimovaning ilmiy merosi, sharqshunoslik sohasidagi tadqiqotlari hamda ko‘plab shogirdlar yetishtirishdagi xizmatlari alohida ta’kidlandi.
Tadbir yakunida ishtirokchilar ustoz olimaga sihat-salomatlik, uzoq umr va ilmiy faoliyatida yangi muvaffaqiyatlar tiladilar.
Ijtimoiy tarmoqlar:
