Xalqaro kuzatuvchi Firat Purtashning TDSHUga tashrifi
Joriy yilning 24-oktabrida o‘tkazilishi rejalashtirilgan O‘zbekiston Respublikasi Prezidenti sayloviga xalqaro kuzatuvchi sifatida tashrif buyurgan Anqara Xoji Bayram Vali universiteti “Xalqaro munosabatlar” kafedrasi mudiri Firat Purtash va Toshkentdagi Turkiya Respublikasi elchixonasining OAV masalalari bo‘yicha maslahatchisi Hamdi Turshugu O’glu 2021-yil 23-oktabrda TDSHUga tashrif buyurdilar.
Mazkur uchrashuv davomida mehmonga TDSHU faoliyati, shu jumladan, turkshunoslikni rivojlantirishda olib borilayotgan ishlar haqida ma’lumot berildi hamda F. Purtashning TDSHU talabalariga “Diplomatiya tarixi”, “Turkiya siyosati” mavzulari doirasida online dars mashg‘ulotlarini o‘tish taklifi berildi.
Shu bilan birga, TDSHUda turizm ta’lim yo‘nalishini rivojlantirish maqsadida Turkiyaning turizm sohasiga oid adabiyotlarni o‘zbek tiliga tarjima qilish to‘g‘risida suhbat olib borildi.
TDSHU matbuot xizmati
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
