Xitoylik volontyorlardan biri TDSHUda o‘z faoliyatini yakunladi
TDSHU “Xitoy filologiyasi” kafedrasida volontyorlik faoliyati yakunlanishi munosabati bilan, Xitoy tili o‘qituvchisi Syu Yangveyga dekanat va Xitoy filologiyasi kafedrasi nomidan sertifikat va esdalik sovg‘alari topshirildi.
Syu Yangvey TDSHUda o‘z mehnat faoliyatini 2019-yildan boshlab ushbu kafedrada olib borgan. Mongoliya, Peru, Kambodja kabi mamlakatlarda Xitoy tilini chet tili sifatida o‘qitish tajribasi uning keyingi faoliyatiga ta’sir ko‘rsatdi va u TDSHUda mas’uliyatli, professional o‘qituvchi sifatida o‘zini namoyon qildi. Talabalar Syu Yangvey darslarida katta qiziqish bilan ishtirok etishdi. Xitoylik volontyor universitet tomonidan tashkil etilgan ta’lim va madaniy tadbirlarda ham faol qatnashdi.
Syu Yangveyga minnatdorchilik bildiramiz va keyingi faoliyatida ijodiy yutuqlarni tilaymiz.
TDSHU Matbuot xizmati
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
