TDSHUning mahallalar bilan ishlash tizimi doirasida yana bir tashrif amalga oshirildi
16-iyul kuni Toshkent davlat sharqshunoslik universiteti jamoasi mahallalar bilan ishlash tizimi doirasida Yashnobod tumanida joylashgan Boysun mahallasi yoshlari o‘rtasida shaxmat, shashka, stol tennisi va badminton sport turlari bo’yicha Rektor kubogi musobaqalarini o‘tkazdi. Musobaqa ko‘tarinki ruhda o‘tib, g‘olib va sovrindorlarga universitet rahbariyatining diplom va esdalik sovg‘alari topshirildi.
Shuningdek, TDSHU Xodimlar bo‘limi tomonidan mahallada istiqomat qilayotgan yoshlar va ish bilan ta’minlanmagan aholi uchun mehnat yarmarkasi ham tashkil etildi hamda universitetdagi o‘ndan ortiq bo‘sh ish o‘rnilari bo‘yicha ma’lumotlar taqdim etildi. Mahalla turg‘unlaridan besh nafarini universitetdagi bo‘sh ish o‘rinlariga joylash masalasida kelishib olindi.
Tadbir yakunida universitet rektori G.Rixsiyeva Boysun mahalla idorasi xodimlari foydalanishlari uchun taqdim etgan kompyuter jamlanmasi ham sovg‘a qilindi.
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
