Foreign professors and teachers
XORIJIY PROFESSORLAR: BILIM VA TAJRIBA ALMASHINUVI
Toshkent davlat sharqshunoslik universiteti xalqaro miqyosda raqobatbardosh kadrlar tayyorlash, xorijiy tillarni chuqur o‘rgatish maqsadida muntazam ravishda xorijiy davlatlardan malakali professor-o‘qituvchilarni ta’lim jarayoniga jalb etib kelmoqda. Hozirgi kunda universitetda Eron, Xitoy, Koreya Respublikasi, Yaponiya, Misr, Turkiya, Ozarbayjon, Hindiston va Pokistondan kelgan 30 ga yaqin xorijiy mutaxassis muntazam faoliyat olib bormoqda.
Faxriy professorlar safida Koreya Respublikasining Kyonsan-Pukto provinsiyasi gubernatori o‘rinbosari, siyosiy fanlar doktori Li Dal Hi xonim, Yaponiya davlat universitetlari assotsiatsiyasi va Tsukuba universiteti Prezidenti Nagata Kyosuke, Kolumbiya universiteti professori, “El-yurt umidi” jamg‘armasi stipendiati Aziza Shonazarova, Keimyung universiteti rektori Synn Ilhi, hind olimi Chandra Shekhar hamda Turkiya Respublikasining O‘zbekistondagi sobiq elchisi Mehmet Sureyya Er kabilar bor.
Mazkur faxriy unvonlar universitetimizning xalqaro ilmiy jamoatchilikdagi mavqeini yanada mustahkamlash, turli sohalarda chuqurlashtirilgan hamkorlikni kengaytirish, yosh avlodni zamonaviy bilimlar asosida yetuk kadrlar etib tayyorlash jarayoniga qo‘shimcha turtki bo‘lib xizmat qilmoqda. Toshkent davlat sharqshunoslik universiteti kelgusida ham xalqaro miqyosdagi yirik mutaxassislar bilan akademik hamkorlikni yanada rivojlantirib, global ta’lim maydonida o‘z o‘rnini mustahkamlashda davom etadi.
Xorijiy o‘qituvchilar o‘z sohalari bo‘yicha zamonaviy yondashuv asosida dars berish bilan birga, talabalarda chet tillarini o‘z ona tilida so‘zlashuvchilar orqali o‘rganish, madaniyatlararo muloqot olib borish va xalqaro tahliliy fikrlash ko‘nikmalarini rivojlantirishda muhim rol o‘ynamoqda.
VIDEO
Shuningdek, xorijiy mutaxassislar ishtirokida xalqaro turizm, mintaqaviy iqtisodiyot, global aloqalar, xizmat ko‘rsatish madaniyati, turizm marketingi kabi sohalarda ham sifatli ta’lim berilmoqda. Ushbu jarayonda xorijlik o‘qituvchilar o‘quv dasturlarini boyitish bilan birgalikda talabalarning chet tillarini bevosita so‘zlashuvchilar bilan muloqotda o‘rganish, xalqaro amaliy tajriba va madaniyatlararo kompetensiyalarni shakllantirish imkoniyatini yaratmoqda.
Xorijdan jalb etilgan professor-o‘qituvchilarning faol ishtiroki universitetda xalqaro akademik muhitni mustahkamlash, talabalarni zamonaviy bilim va ko‘nikmalarga ega yetuk mutaxassislar sifatida tayyorlash, ta’lim sifatini oshirish va TDSHU nufuzini xalqaro miqyosda yuksaltirishda muhim ahamiyat kasb etmoqda.
Shu bilan birga, xorijiy professor-o‘qituvchilar bilan hamkorlik orqali qo‘shma ilmiy-tadqiqotlar, almashinuv dasturlari, seminar-treninglar va xalqaro grant loyihalar samarali amalga oshirilmoqda. Kelgusida xorijiy mutaxassislar sonini bosqichma-bosqich oshirish, ularning ilmiy va o‘quv faoliyatini tizimli qo‘llab-quvvatlash, ta’lim va ilm-fan integratsiyasini chuqurlashtirish TDSHU rivojlanish strategiyasining muhim yo‘nalishlaridan biri bo‘lib qoladi.
Toshkent davlat sharqshunoslik universiteti o‘zining xalqaro nufuzi, boy akademik an’analari va mintaqaviy yetakchi oliy ta’lim muassasasi сифатида dunyoning turli mamlakatlari bilan keng ko‘lamli hamkorlik aloqalarini rivojlantirib bormoqda. Universitetda ta’lim va fan sohasida samarali tashabbuslar, qo‘shma dasturlar va xalqaro ilmiy aloqalarni chuqurlashtirish yo‘lida olib borilayotgan faoliyat xalqaro hamjamiyat tomonidan yuksak baholanmoqda. Aynan shu asosda turli davlatlarning yirik ilmiy va akademik doiralari vakillariga Toshkent davlat sharqshunoslik universitetining “Faxriy professori” unvoni berilishi an’anaga aylangan.
VIDEO
Social networks:
