O‘zbek tiliga davlat tili maqomining berilganligiga bu yil 30 yil to‘ldi
Til insonlarning o’zaro aloqa vositasi bo’lib, yaratuvchining insonga bergan bebaho ne’matidir. Millatlarni millatlardan ajratib turuvchi asosiy belgilardan biri ham tildir. Hikmatli so’zlar, she’ru dostonlar, qo’shiqlar avvalo biror bir millatning ona tilida dunyoga keladi. Millat bor ekan, uning tili ham yashaydi, tili yashar ekan u millat boshqa millatlar orasida o’z nufuzi, obro’siga ega bo’ladi. Har bir xalqqa o’z tili aziz va ardoqli.
O‘zbek tiliga davlat tili maqomining berilganligiga bu yil 30 yil to‘ladi. O‘tgan davrda ona tilimizning yanada sayqallanishi, badiiylik, tarixiyligi, dunyo miqyosidagi ahamiyati hamda nufuzini oshirishga qaratilgan qator madaniy, ma’naviy-ma’rifiy izlanishlar, ilmiy tadqiqotlar olib borildi.
Har yili 21-oktabr kunini mamlakatimizda til bayrami sifatida keng nishonlash an’ana tusini olgan. Bugun Alisher Navoiy nomidagi O‘zbekiston milliy bog‘ida yurtimizning ko‘zga ko‘ringan akdademiklar, tilshunos olimlar, madaniyat arboblari va talaba-yoshlar ishtirokida tadbir bo‘lib o‘tdi. Unda Toshkent davlat sharqshunoslik instituti Tarix va falsafa fakultetining bir guruh talabalari ham faol ishtirok etishdi.
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
