Qo’chma ta’lim dasturi bo’yicha bakalavr bosqichiga qabul davom etadi
DIQQAT, DIQQAT, DIQQAT!
Toshkent davlat sharqshunoslik universitetida qo‘shma ta’lim uchun
2023-2024-o‘quv yiliga qo’chimcha qabul e’lon qilinadi.
Toshkent davlat sharqshunoslik universiteti va
Xitoy Xalq Respublikasi Lyaoning pedagogika universitetining
60230100 FILOLOGIYA VA TILLARNI O‘QITISH: XITOY TILI
ta’lim yo‘nalishida qo‘shma dasturda o‘qib, har ikkala oliy ta’lim muassasasining diplomlariga ega bo‘lish uchun ajoyib imkoniyat!
O‘QISH MUDDATI 4 YIL:
- 2 YIL – Toshkent davlat sharqshunoslik universitetida (ta’lim tili -o‘zbek tili)
- 2 YIL – Lyaoning pedagogika universiteti (ta’lim tili – xitoy tili)
BITIRUVCHILARGA HAR IKKALA UNIVERSITETNING
DIPLOMLARI BERILADI
Dars mashg‘ulotlari Toshkent davlat sharqshunoslik universiteti va Lyaoning pedagogika universitetining yetakchi professor-o‘qituvchilari tomonidan kredit-modul tizimi asosida olib boriladi.
Ta’lim jarayoni Toshkent davlat sharqshunoslik universitetida to‘lov-shartnoma asosida, Xitoy Xalq Respublikasi Lyaoning pedagogika universitetida Xitoy tomonining maxsus granti asosida amalga oshiriladi.
TOSHKENT DAVLAT SHARQSHUNOSLIK UNIVERSITETIDA O‘QISH SHARTLARI
- Bir yillik to‘lov-shartnoma miqdori 16.625.000 so‘m
- Birinchi kursga o‘qishga qabul qilingan talabalar to‘lov-shartnomada ko‘satilgan summani avvaldan to‘liq amalga oshiradilar.
- 2 yil davomida Toshkent davlat sharqshunoslik unversitetida talaba xitoy tilini bilish bo‘yicha 3 HSK darajasini egallashi uchun barcha imkoniyat va sharoitlar yaratiladi va shu 3 HSK darajasi bilan Lyaoning pedagogika universitetida 3-4-bosqichlarda ta’limni davom ettirish uchun o‘qishga tavsiya etiladi. Agarda talaba 3 HSK darajasi ololmasa, Lyaoning pedagogika universitetida o‘qish uchun grant mablag‘lariga ega bo‘lmaydi.
LYAONING PEDAGOGIKA UNIVERSITETIDA O‘QISH SHARTLARI
- Ikki yil davomida ta’lim olish, sog‘lik sug‘urtasi, yotoqxona va kundalik turmush bilan bog‘liq sarf-хarajatlar Xitoy tomonidan ajratiladigan maxsus grantlar mablaglari hisobidan amalga
- Talabalar Lyaoning pedagogika universitetida o‘qish davrida faqat Xitoyga borish kelish aviachiptalari xarajatlarini o‘zlarining hisoblaridan amalga oshiriladi.
- Lyaoning pedagogika universitetida 3-kurs yakunida talaba xitoy tilini bilish bo‘yicha 4 HSK darajasi uchun imtihon topshiradi, imtihondan o‘ta olmasa, o‘qishni davom ettirishga tavsiya etilmaydi. 4-kurs yakunida talaba xitoy tilini bilish bo‘yicha 5 HSK darajasi uchun imtihon topshiradi, imtihondan o‘ta olmasa, diplom olishga tavsiya etilmaydi.
- Talabalar har o‘quv semesrti davomida yakuniy imtihonlardan past ko‘rsatkichlarga ega bo‘lib yetarli GPA balarini to‘play olmasa, yoki 4 HSK, 5 HSK darajalarini ololmasa grant mablag‘laridan mahrum etiladi va to‘lov- sharnoma asosida o‘qishga majbur bo‘ladi. Bunday holatlarda barcha sarf-xarajatlar talaba tomonidan amalga oshiriladi.
TOPSHIRILADIGAN HUJJATLAR
Mazkur qo‘shma ta’lim dasturida o‘qishni istagan abituriyentlar
25.10.2023 y. dan 31.10.2023 y.gacha
o‘zlarining quyidagi hujjatlarini Toshkent davlat sharqshunoslik universiteti Qabul komissiyasiga topshirishlari mumkin:
- Pasport(yashash joyi haqidagi ma’lumot yozilgan sahifasi bilan) yoki ID kartaning skaner nusxasi
- O‘rta maktab, litsey yoki kollejni tugatganligi haqidagi hujjatning(attestat yoki diplom) skaner nusxasi
- Xitoy tilini bilish haqidagi sertifikatning skaner nusxasi (agar bo‘lsa)
- Davlat test markazining abituriyent tegishli ta’lim yo‘nalishiga test sinovlari topshirib jamlagan ballari ko‘rsatilgan javob varaqasi skaner nusxasi.
Mazkur qo‘shma ta’lim dasturini bitirganingizdan so‘ng siz vazirlik va idoralarda, diplomatik sohalarda, maktab va kollejlarda faoliyat yurita olasiz hamda O‘zbekiston Respublikasi va Xitoy Xalq Respublikasi oliy ta’lim muassasalarida magistraturada o‘qishni davom ettirishingiz mumkin bo‘ladi.
Qo‘shimcha ma’lumotlar uchun quyidagi telefon raqamlariga murojaat qiling: 71 233 34 28, 97 700 91 42, 93 508 35 82
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
