Sohibqiron Amir Temur – tengsiz azmu shijoat, mardlik va donishmandlik ramzi mavzusida ma’rifiy anjuman
Toshkent davlat sharqshunoslik institutida joriy yilning 4-aprel kuni buyuk sarkarda Sohibqiron Amir Temur tavalludining 681 yilligi munosabati bilan “Sohibqiron Amir Temur – tengsiz azmu shijoat, mardlik va donishmandlik ramzi” mavzusida yozuvchilar, san’at va madaniyat vakillari ishtirokida ma’rifiy tadbir bo‘lib o‘tdi. Tadbirda so‘zga chiqqan institut rektori A.Mannonov, O‘zbekiston yozuvchilar uyushmasi raisi Muhammad Ali, O‘zbekiston yozuvchilar uyushmasi a’zosi A.Alimbekov, O‘zbekiston yozuvchilar uyushmasi mas’ul kotibi B.Haydarov, O‘zbekistonda xizmat ko‘rsatgan artist B.Muxammadkarimov va boshqalar bobokalonimizning qudratli davlat, adolatli jamiyat barpo etish, o‘zaro hamjihatlik, bag‘rikenglik, barqarorlik, mehr-oqibat muhitini mustahkamlash, xalq farovonligini ta’minlashga oid ezgu tamoyillari bugun Vatanimiz ijtimoiy-iqtisodiy hayotining asosiy mezoniga aylanganligi haqida o‘z fikrlarini bildirdilar. Tadbirda talaba-yoshlar mana shunday buyuk ajdodlar avlodi ekanliklaridan yana bir karra faxr tuyg‘usini tuyishdi.
Ijtimoiy tarmoqlar:
