Ona tilim, sen ruhimning qanoti
2016-yil 19-oktabrda Toshkent davlat sharqshunoslik instituti Talabalar turar joyida o‘zbek tiliga davlat tili maqomi berilganligining 27 yilligiga bag‘ishlab institut Ma’naviyat va ma’rifat bo‘limi hamda “Xorijiy sharq mamlakatlari adabiyoti” kafedrasi bilan hamkorlikda “Ona tilim, sen ruhimning qanoti” nomli davra suhbati bo‘lib o‘tdi. Davra suhbatida shoir va tarjimon Mirpo‘lat Mirzo, “Xorijiy sharq mamlakatlari adabiyoti” kafedrasi mudiri U.Muhibova, “Xorijiy sharq mamlakatlari adabiyoti” kafedrasi dotsenti, f.f.n. A.Adimbekovlar talabalar bilan ochiq muloqot qildilar. Ularga ona tilimizning davlat tili deb e’lon qilinishi naqadar tilimiz ravnaqi yo‘lida katta ahamiyat kasb etganini. Bu voqea xalqimiz tarixida mustaqillikka qo‘yilgan ilk qadam sifatida yuksak darajada e’tirof etilishini ta’kidladilar. Shuningdek, ma’ruzachilar ona tilimiz rivoji yo‘lida amalga oshirilgan amaliy ishlar hamda til taraqqiyotida talaba-yoshlarning oldida turgan vazifalar to‘g‘risida gapirib o‘tdilar. Davra suhbati yakunida talabalar mavzu yuzasidan savollar bilan murojaat qilib, kerakli javoblarni oldilar.
TDSHI Ma’naviyat va ma’rifat bo‘limi
Ijtimoiy tarmoqlar:
Matnda xatolikni ko‘rsangiz, uni belgilab Ctrl+Enter ni bosing.
