Ishonch telefoni / Call center
+998 71 233 34 24 / +998 71 233 34 28

  • UZRUEN
  • uzbekistan flag uzbekistan emblem

“Akademik litseyimiz iftixori” hamda “Rektor” stipendiyasi sovrindorlarini taqdirlash marosimi

2022-yil 14-aprel kuni Toshkent davlat sharqshunoslik universitetida “Akademik litseyimiz iftixori” stipendiyasi hamda “Rektor stipendiyasi” sovrindorlarini taqdirlash marosimi bo‘lib o‘tdi. Tadbirni universitet rektori Rixsiyeva Gulchehra Shаvkatovna ochib berib, stipendiya sohiblarini erishgan yutuqlari bilan tabriklab, ularga kelajakdagi ilmiy yo‘nalishlarida muvaffaqiyat tiladi.

Mazkur stipendiyalar O‘zbekiston Respublikasi Prezidentining “Iqtidorli yoshlarni saralab olish tizimi va akademik litseylar faoliyatini takomillashtirish chora-tadbirlari to‘g‘risida”gi 2020-yil 3-dekabrdagi 4910-son qarorida belgilab berilgan vazifalardan kelib chiqqan holda joriy qilingan bo‘lib, sovrindorlar har o‘quv yilida universitet huzuridagi akademik litsey o‘quvchilari orasida tanlov o’tkazgan holda eng munosib nomzodlar orasidan saralab olinadi. Joriy yilda bazaviy hisoblash miqdorining 2 baravari miqdoriga teng bo‘lgan stipendiya bilan akademik litseyning 10 nafar o‘quvchilari “Akademik litseyimiz iftixori” stipendiyasi bilan hamda 4 nafar o‘quvchisi “Rektor stipendiyasi” bilan taqdirlandilar.

photo_2023-08-21_21-08-47

23.08.2023, 16:12 491